الكاتب : علي بدر غلطان
اني مااتفق ويه علي بدر بخصوص الاجيال
واعتقد رأيه خطأ
جيلنا صح اكثر جرأة من جيل الطيبين بس هو يتشابه بالسلوك
جيل الطيبين جان مثل ماصوره علي بدر برواية بابا سارتر يناقش قضايا الوجودية الفرنسية بمنطقة الصدرية
وما التفت لمشاكل الصدرية الاجتماعية وبالاخير لاهو وجودي فرنسي ولاكدر يعيش كوجودي بالصدرية
وانتهت نقاشات الجيل الوجودية بالجيش الشعبي ومدح القائد صدام
جيلنا الحالي مايختلف هواي عن الجيل السابق هم يناقش قضايا النسوية والحريات الجنسية بنيويورك وهو كاعد بسوك عريبة
بدل مناقشة قضايا سوك عريبة جاي يناقشون شيصير بنيويورك والصراع الاجتماعي هناك
وبالتالي هالنقاشات جاي تسير بمسار حشدنا فخرنا وشكرا لابونا وخيمتنا المرجع الكبير
اني شخصيا شفت اكثر من واحد من الشباب حاليا يشبه فيلسوف الصدرية برواية بابا سارتر
يعيش بالعراق ويربي شوارب ثخينة ويخلي غلاف صفحته بالفيس بوك صورة لنيتشه ويتخيل روحه نيتشه العراق النابع من اطراف سوك عريبة
