سجاد تقي كاظم
بسم الله الرحمن الرحيم
تحدي العقل للصدريين: وين الحقيقة اللي خايفين منها؟ (صدام وين العداء)؟..(فتوى الثورة..وينها)؟ (أمريكا عدوة لو صديقه)؟.. (المرجعية عراقية: فلماذا أوصى لايرانيين.)؟..هل (العلماء هم الله).. أي كارثة هذه؟
يا جماعة.. صارلنا عقود نسأل والصدريين يهربون.. يتجنبون الإجابة لأنهم يعرفون الجواب بداخلهم لكن العاطفة والتقديس الأعمى سادوا عليهم. اليوم التحدي مو كلام كتب.. التحدي هو أسئلة بسيطة لكل صدري يدعي إن مشروعه هو (المنقذ):
· صدام.. وين العداء؟!
نتحداكم تجيبون جملة وحدة قالها الصدر الثاني ضد صدام جهر بها باسمه بالعداء؟ وين كانت الشجاعة اللي تصدحون بيها يوم كان صدام يهز العراق؟
· فتوى الثورة.. وينها؟!
ممكن أحد يطلعلنا بيان أو فتوى للصدر الثاني يدعو بيها للثورة ضد نظام البعث؟ ليش السكوت كان سيد الموقف بذاك الوقت؟
· أمريكا.. عدوة وإلا صديقة؟!
ليش رفعتوا شعار العداء لأمريكا بالتسعينات.. بنفس الوقت اللي كانت أمريكا تحشد دولياً لإسقاط صدام؟ مو المفروض هاي فرصة ذهبية للخلاص من الظلم؟
· المرجعية.. عراقية وإلا؟!
دائماً تتباكون على المرجعية (العربية).. زين ليش الصدر الثاني أوصى بخلافته لإيرانيين (الحائري والشاهرودي)؟ مو هاي أكذوبة انكشفت للكل؟
· أكذوبة (الأعلم).. منو حدد؟!
يقولون الصدر الثاني هو (الأعلم).. طيب منو اللي امتحنه؟ ومنو اللي انطاه شهادة علمية معتمدة؟ مو كلنا نعرف إن العلمية تنال بالدراسة واللجان.. مو بـ (الادعاء) اللي يخدع الناس البسيطة؟
· تمزيق الشيعة.. هذا هو هدفكم؟!
بدل ما تتوحدون.. شقيتوا الشيعة (صدريين ولا صدريين).. وحولتوهم لـ (حوزة ناطقة وحوزة صامتة).. هذا هو طريق الإصلاح.. وإلا هذا هو طريق الفوضى والتمزيق؟
· يا ناس..
التقديس المبالغ فيه اللي حول الصدر الثاني لمقام (مقدس) مثل الأنبياء.. هو اللي دمر وعينا.. خلى الناس تعبد (العمامة) وتنسى مذهبها الحقيقي. تحولوا لصنمية جديدة خلت المجتمع يتحجر.. وعجزنا نخرج من دوامة (الميت المقدس) اللي فشل بحياته وما قدم إنجاز واحد غير التفرقة.
· التحدي مفتوح:
اتركوا النثريات الفارغة والكلام العاطفي.. وجاوبونا بوضوح. العراق ما راح ينهض بتمجيد الموتى وبناء مراقد (ضرار) بعيدة عن مرقد أمير المؤمنين.. العراق يحتاج عقل.. وشجاعة.. ومشروع حقيقي ينهي عصر الفساد والمخدرات اللي طلع من رحم (مرجعياتكم).
أجيبونا.. إذا عندكم ذرة جواب!
· (العلماء هم الله).. أي كارثة هذه التي أدخلوكم بها؟
لازم نتوقف عند أخطر (خرافة) سوقتوها للناس.. وهي معادلة الصدر الثاني اللي يقول فيها: (نحن لم نر الله سبحانه ولا سمعناه وانما سمعنا عنه.. وكتابه المفتوح عنه هم العلماء.. فلا ينبغي ان الانسان يتصرف اطلاقا الا باذن العلماء).
· يا جماعة.. فكروا بكلمة (كتابه المفتوح عنه هم العلماء).. شنو معناها؟
معناها اختزال الدين كله بشخص.. وإلغاء عقول الناس.. وتأليه (المعمم) ليكون هو المرجع والبوصلة بدل المعصومين اللي نزل بيهم الوحي!
الأنبياء والأئمة وين راح دورهم؟ إذا كان (إذن الله) يساوي (إذن العلماء).. فشنو لازمة الأنبياء والأئمة المعصومين؟
· عبادة الأصنام المعممة:
هل هذه هي (العبادة المقدسة) اللي يتكلمون عنها؟ الانقياد الأعمى لشخص يغلق أمامك باب التفكير ويقولك (لا تفكر ولا تتصرف إلا بإذني)؟
· احتكار الحقيقة:
الصدر الثاني طرح نفسه (المرجع الأوحد) وسقط غيره من المراجع.. ليطبق منطق (القائد الأوحد) على الدين.. هل يعقل أن الله سبحانه يختزل إرادته في إنسان واحد فقط.. واللي يخالفه (يضع التراب في فمه)؟!
هذا الكلام مو مجرد خطبة.. هذا هو الأساس اللي بُنيت عليه (عمائم ضرار) لتفريق الشيعة والسيطرة على عقولهم.. وللأسف الشديد.. هذا المنطق هو اللي جاب للعراق كل الفساد اللي نعيشه اليوم.. لأن من تعطي (قدسية إلهية) لمرجع بشري يخطئ ويصيب.. فمعناها أنت فتحت الباب لكل (أصنام العمائم) تتحكم بمصيرك وتسرق مستقبلك باسم الله!
· التحدي واضح:
أعطونا دليل شرعي واحد يخلي (العلماء) هم (الله على الأرض)؟ وإذا ما عندكم غير العاطفة.. فكفوا عن تضليل الناس واستخفافكم بعقولهم!
· لماذا اغتال صدام الصدر الثاني؟
إن اغتيال الصدر الثاني جاء لنفس السبب الذي اغتال به صدام عدنان خير الله بطائرة هليكوبتر.. هو بكل بساطة (انتفاء الحاجة له).. فبعد أن نجح الصدر في تمزيق الشيعة أفقياً وعامودياً.. وبعد أن تجاوزت شعبيته الحد المسموح به الذي يهدد استقرار السلطة.. أدرك صدام أن الصدر الثاني قد انتهى دوره.. لقد لعب الصدر الثاني بنار السلطة وظن واهماً أنه محمي منها.. ولكن الطاغية لا يعترف بحلفاء بمجرد أن ينتهي دورهم في خدمة مشاريعه في التفرقة والتمزيق.
……………………
واخير يتأكد للعراقيين بمختلف شرائحهم.. ضرورة تبني (قضية هلاك الفاسدين .. بـ 40 نقطة).. …. كمقياس ومنهاج يقاس عليه كل من يريد تمثيلهم ويطرح نفسه لقياداتهم .. علما ان هذا ينطلق من واقعية وبرغماتية بعيدا عن الشعارات والشموليات والعاطفيات، ويتعامل بعقلانية مع الواقع العراقي، ويجعل العراقيين يتوحدون ككتلة جغرافية وسياسية واقتصادية وادارية.. بهدف واحد.. ينشغلون بأنفسهم مما يمكنهم من معالجة قضاياهم بعيدا عن طائفية وارهاب الجماعات المسلحة.. وعدائية واطماع المحيط الاقليمي والجوار، وبعيدا عن الهيمنة الايرانية وذيولها الاجرامية بارض الرافدين.. وبعيدا عن استغلال قوى دولية للتنوع المذهبي والطائفي والاثني بالعراق،.. ويضمن بنفس الوقت عدم عودة العراق لما قبل 2003 وماسيه..|. والموضوع بعنوان (مشروع هلاك الفاسدين..لانقاذ العراق).. بـ (40 نقطة)..يجب ان (تحفظ من قبل كل عراقي عن ظهر قلب).. كمطالب (حياة او موت)..(كرامة او ذلة..) وعلى الرابط التالي:
سجاد تقي كاظم
